2019թ․-ի ապրիլի 4-6ը Սլովակիայի մայրաքաղաք Բրատիսլավա քաղաքում անցկացվեց Իթվինինգյան սեմինար, որին մասնակցում էին տարբեր երկրների ուսուցիչներ։ Սեմինարին իր ակտիվ մասնակցությունն է ունեցել նաև մեր դպրոցի անգլերենի ուսուցչուհի Գայանե Վարդանյանը։

Սեմինարին ներկայացվեցին մի շարք գործիքներ և գաղափարներ, որոնք կիրառելի են Իթվինինգյան նախագծերում։

Իթվինինգ ծրագրի շրջանակներում, մեր դպրոցի անգլերենի ուսուցիչ՝ Գ․ Վարդանյանը, 2019թ․-ի դեկտեմբերից մինչև 2020թ․-ի հունվարը իրականացրեց «Սուրբ Ծնունդը գալիս է» /Christmas is coming/  ծրագիրը, որի ընթացքում 10,7 դասարանի աշակերտները ստեղծեցին ամանորյա շնորհավորական բացիկներ և ուղարկեցին մասնակից երկրների դպրոցներին /20 բացիկ/։

Ծրագրի ընթացքում մեր դպրոցը նույնպես ստացավ շնորհավորական բացիկներ տարբեր երկրներից։

Անգլերենի ուսուցչուհի՝ Լուսինե Մադաթյանը նախագծի շրջանակներում աշակերտների հետ պատրաստել են տեսանյութ, որտեղ խորհուրդ են տալիս ինչպես վարվել համաճարակային իրավիճակում՝ խուսափելով համաճարակից և միևնույն ժամանակ հետաքրքիր դարձնել իրենց առօրյան։

https://www.youtube.com/watch?

Համավարաքի ընթացքում, երբ դպրոցները անցան հեռավար ուսուցման, Իթվինինգյան նախագծերը մեծ օգնություն էին ուսուցիչներին։ Բոլոր դասարանների համար նախատեսված անգլերենի նախագծերը նպաստեցին էլ ավելի արդյունավետ դարձնել անգլերեն լեզվի ուսուցում այս դժվարին օրերին։

https://twinspace.etwinning.net/112603/pages/page/922929

Մեկ այլ նախագծի շրջանակներում՝ «Մնա տանը,  սովորիր տան» (Stay at home, learn at home), աշակերտները հնարավորություն ստացան ծանոթանալու տեղեկատվական տեխնոլոգիաների նորագույն միջոցներին, ձեռք բերեցին բազմաթիվ հասակակից օտարազգի ընկերներ, զարգացրեցին անգլերեն լեզվի  իրենց հմտությունները։ Այս նախագծի շրջանակներում նրանք պատրաստեցին շատ հետաքրքրաշարժ մի տեսադաս, որը նվիրված էր շրջակա միջավայրի պահպանմանը։

https://www.youtube.com/watch?v=hdyZ4aWMMl0

Իթվինինգ ծրագրի շրջանակներում մեր դպրոցի անգլերենի ուսուցիչ Գ. Վարդանյանը ընդգրկվել է «Առողջ ապրելակերպով հաղթահարենք կորոնավիրուսը»:

“Healthy lifestyle to fight COVID-19” ծրագրին: Ծրագրի մասնակից երկրներն են՝ Հայաստանը, Ուկրաինա, Թուրքիա, Հորդանան, Իսպանիա, Իտալիա, Ադրբեջան, Լեհաստան, Վրաստան և այլն…:

Ծրագրի ընթացքում մասնակից երկրների աշակերտները մասնակցեցին առցանց հանդիպումների, դեկտեմբերին իրականացվեց կորոնավիրուսի վերաբերյալ լոգոյի մրցույթ, հունվարին Հայաստանի և Ուկրաինայի աշակերտները համագործակցելով ստեղծեցին պաստառներ՝ կորոնավիրուսի նախանշանները թեմայով:

Ծրագիրը դեռ շարունակվում է, և ապագայում դեռ կան շատ առաջադրանքներ:

Ծրագրի ավարտը նախատեսված է ապրիլ ամսին:

https://www.youtube.com/watch?v=-F-ddI4x5j4

https://www.youtube.com/watch?v=Q0dvsvuLa4o

https://www.youtube.com/watch?v=pj89GnEckhw

Մեր դպրոցի մաթեմատիկայի ուսուցիչ Ա. Խաչատրյանն իր դասերն էլ ավելի հետաքրքիր և նպատակային դարձնելու համար 10-րդ և 11-րդ դասարանի աշակերտներին ներգրավել է Իթվինինգ ծրագրի շրջանակներում «Ապագայի ծրագրավորում» (Future Planning) ծրագրին: Ծրագրի մասնակից երկրներն են՝ Հայաստանը, Իսպանիա, Գերմանիա, Ռումինիա, Թուրքիա և այլն…:

Նախագիծը միտված է բարձրացնելու աշակերտների հետաքրքրությունը մաթեմատիկա առարկայի նկատմամբ:Այդ ծրագրի միջոցով նրանք փորձելու են պատասխանել առավել հաճախ տրվող հարցին՝ ինչու է անհրաժեշտ մաթեմատիկան, կփորձեն ուսումնասիրությունների միջոցով պարզել «մաթեմատիկա» առարկայի կարևորությունը մեր կյանքում:

Ծրագրի ընթացքում մասնակից երկրների աշակերտները մասնակցեցին առցանց հանդիպումների, հունվարին իրականացվեց թեմայի վերաբերյալ լոգոյի մրցույթ, փետրվարին ստեղծեցին պաստառներ՝ «Maths and biology are interconnected» և «Music and maths» թեմաներով:

Ծրագիրը դեռ շարունակվում է, և ապագայում դեռ կան շատ առաջադրանքներ:

Ծրագրի ավարտը նախատեսված է ապրիլ ամսին: